౯. పరిపాచితసిక్ఖాపదవణ్ణనా

౧౯౭. నవమే పాళియం ‘‘సిక్ఖమానా…పే… పఞ్చ భోజనాని ఠపేత్వా సబ్బత్థ అనాపత్తీ’’తి ఇదం ఇమినా సిక్ఖాపదేన అనాపత్తిం సన్ధాయ వుత్తం. పఞ్చహి సహధమ్మికేహి కతవిఞ్ఞత్తిపరికథాదీహి ఉప్పన్నం పరిభుఞ్జన్తస్స దుక్కటమేవ. భిక్ఖునియా పరిపాచితతా, తథా జాననం, గిహిసమారమ్భాభావో, భోజనతా, తస్స అజ్ఝోహరణన్తి ఇమానేత్థ పఞ్చ అఙ్గాని.

పరిపాచితసిక్ఖాపదవణ్ణనా నిట్ఠితా.