౫. దుతియసేనాసనసిక్ఖాపదవణ్ణనా

౧౧౬. పఞ్చమే పావారో కోజవోతి పచ్చత్థరణత్థాయేవ ఠపితా ఉగ్గతలోమా అత్థరణవిసేసా. ఏత్తకమేవ వుత్తన్తి అట్ఠకథాసు వుత్తం. సేనాసనతోతి సబ్బపచ్ఛిమసేనాసనతో.

౧౧౭. కురున్దట్ఠకథాయం వుత్తమేవత్థం సవిసేసం కత్వా దస్సేతుం ‘‘కిఞ్చాపి వుత్తో’’తిఆది ఆరద్ధం. వత్తబ్బం నత్థీతి రుక్ఖమూలస్స పాకటత్తా వుత్తం. పలుజ్జతీతి వినస్సతి.

౧౧౮. యేన మఞ్చం వా పీఠం వా వీనన్తి, తం మఞ్చపీఠకవానం. సిలుచ్చయలేణన్తి పబ్బతగుహా. ‘‘ఆపుచ్ఛనం పన వత్త’’న్తి ఇమినా ఆపత్తి నత్థీతి దస్సేతి. వుత్తలక్ఖణసేయ్యా, తస్సా సఙ్ఘికతా, వుత్తలక్ఖణే విహారే సన్థరణం వా సన్థరాపనం వా, అపలిబుద్ధతా, ఆపదాయ అభావో, అనపేక్ఖస్స దిసాపక్కమనం, ఉపచారసీమాతిక్కమోతి ఇమానేత్థ సత్త అఙ్గాని.

దుతియసేనాసనసిక్ఖాపదవణ్ణనా నిట్ఠితా.