౧. పఠమసిక్ఖాపదవణ్ణనా

౯౩౪-౫. ఏకాయ నిపన్నాయ అపరా నిపజ్జతి, ఆపత్తి పాచిత్తియస్సాతి ‘‘ఉభిన్నమ్పి పఠమనిపన్నాయ అనుట్ఠాపనా’’తి వత్వా ఏత్థ కిరియాకిరియన్తి ఏకే, తం అట్ఠకథాయ విరుజ్ఝతి. ‘‘కిరియ’’న్తి హి అట్ఠకథాయం వుత్తం. అథ కస్సా ఆపత్తీతి? ఉభిన్నమ్పి నిపజ్జనకిరియం పటిచ్చ. ఇమస్స అనాపత్తివారే ‘‘వవత్థానం దస్సేత్వా’’తి నత్థి, తస్మా వవత్థానం కత్వా నిపజ్జితుం న వట్టతీతి ఏకే. విపులతరే వట్టతీతి ఏకే. ‘‘అన్తరం కత్వా నిపజ్జితుం వట్టతీ’’తి పోరాణగణ్ఠిపదే లిఖితం.

పఠమసిక్ఖాపదవణ్ణనా నిట్ఠితా.