౬. ఛట్ఠసిక్ఖాపదవణ్ణనా

౮౬౦. ‘‘నిసీదన్తియా ఏకా, నిపజ్జన్తియా ఏకా’’తి అవత్వా ‘‘నిసీదిత్వా గచ్ఛన్తియా’’తిఆది న వత్తబ్బం. న హి గమనపచ్చయా ఏసా ఆపత్తీతి? న, పరియోసానాధిప్పాయవసేన వుత్తత్తా. ‘‘నిసీదిత్వా నిపజ్జన్తియా ద్వే’’తి వచనేనపి గమనం ఇధ నాధిప్పేతన్తి దస్సితం హోతి, తథా ‘‘నిపజ్జిత్వా నిసీదన్తియా ద్వే’’తిపి వత్తబ్బం. యది ఏవం ‘‘తస్మిం అభినిపజ్జతి, ఆపత్తి ద్విన్నం పాచిత్తియాన’’న్తి కస్మా న వుత్తన్తి చే? అనిసీదిత్వాపి నిపజ్జనసమ్భవతో. నిపజ్జనత్థాయ నిసీదిత్వా నిపజ్జన్తియా నిపజ్జనకపయోగత్తా ఏకా ఆపత్తీతి కేచి.

ఛట్ఠసిక్ఖాపదవణ్ణనా నిట్ఠితా.