౨. దుతియసఙ్ఘాదిసేససిక్ఖాపదవణ్ణనా

౬౮౩. భటిపుత్తకానం కుమారభటికానం గణా భటిపుత్తగణా. కప్పన్తి కప్పియం. కప్పగతికన్తి కప్పియసభావం. పక్కన్తాసుపీతి అత్తనో పరిసం ఠపేత్వా ఇతరాసు పక్కన్తాసు. పణ్ణత్తిం అజానన్తా అరియాపి వుట్ఠాపేన్తీతి కత్వా వా కమ్మవాచాపరియోసానే ఆపత్తిక్ఖణే విపాకాబ్యాకతసమఙ్గితావసేన వా ‘‘తిచిత్త’’న్తి వుత్తన్తి వేదితబ్బం. ‘‘పబ్బాజనే న దుక్కట’’న్తి పోరాణగణ్ఠిపదే వుత్తం.

దుతియసఙ్ఘాదిసేససిక్ఖాపదవణ్ణనా నిట్ఠితా.