౮. అరిట్ఠసిక్ఖాపదవణ్ణనా

౪౧౭. గహట్ఠస్సాపి భిక్ఖునీదూసకకమ్మం మోక్ఖన్తరాయికమేవ, తస్మా తస్స పబ్బజ్జాపి పటిక్ఖిత్తా. విపాకన్తరాయికా అహేతుకత్తా. పుబ్బే సఞ్చిచ్చ ఆపన్నా సమ్ముట్ఠా సుద్ధసఞ్ఞినో అన్తరాయికా ఏవ. సేసాతి జాతికా. రసేనాతి భావేన. అధికుట్టనట్ఠేనాతి అధికరణం కత్వా కుట్టనట్ఠేన ఛిన్దనట్ఠేన. అసిసూనూపమా కుసలధమ్మచ్ఛేదనట్ఠేన. సత్తిసూలూపమా చిత్తవితుదనట్ఠేనాతి పోరాణా. అనాపత్తిపాళియం ‘‘ఆదికమ్మికస్సా’’తి ముఖారుళ్హవసేన లిఖితం.

అరిట్ఠసిక్ఖాపదవణ్ణనా నిట్ఠితా.