౯. పణీతభోజనసిక్ఖాపదవణ్ణనా

౨౫౯. అకప్పియసప్పినాతి యేసం మంసం న కప్పతి, తేసం సప్పినా. ‘‘వసాతేలఞ్హి ఠపేత్వా అకప్పియసప్పి నామ నత్థీ’’తి లిఖితం. విసఙ్కేతన్తి ఏత్థ ‘‘సూపోదనవిఞ్ఞత్తిపి న హోతీ’’తి వుత్తం. కాయికానీతి కాయేన ఆపజ్జితబ్బాని.

౨౬౧. మహానామసిక్ఖాపదేన కారేతబ్బోతి సఙ్ఘవసేన పవారితే భేసజ్జత్థాయ సప్పిఆదిపఞ్చకం విఞ్ఞాపేతి చే, తత్థ ‘‘న భేసజ్జేన కరణీయేన భేసజ్జ’’న్తి ఏత్థ సఙ్గహం గచ్ఛతి, తస్మా ‘‘తేన పాచిత్తియ’’న్తి వుత్తం. పాళిముత్తకేసు ‘‘భిక్ఖునీనమ్పి దుక్కట’’న్తి లిఖితం.

పణీతభోజనసిక్ఖాపదవణ్ణనా నిట్ఠితా.