౯. దుట్ఠుల్లారోచనసిక్ఖాపదవణ్ణనా

౭౮-౮౦. ‘‘తేనేవ హత్థేన ఉపక్కమిత్వా అసుచిం మోచేసీ’’తి పాఠో సమ్పతిపాఠో సున్దరో. అపలోకేత్వావ కాతబ్బా. నో చే, పాళియంయేవ వుత్తం సియా. ‘‘ఓత్తప్పేనా’’తి వత్తబ్బే రుళ్హీవసేన పరేసు ‘‘హిరోత్తప్పేనా’’తి వుత్తం. మహాఅట్ఠకథాయం ఉత్తానత్తా న వుత్తం, పాచిత్తియాసమ్భవదస్సనేనేవ హి దుక్కటన్తి సిద్ధం.

౮౩. తత్థ ‘‘కమ్మ’’న్తి వుత్తఅజ్ఝాచారేపి పరియాపన్నత్తా తం తస్స దణ్డకమ్మవత్థు. ‘‘తత్థ కమ్మం ఆపన్నో’’తి పుబ్బేపి లిఖితం. మహాఅట్ఠకథాయం ‘‘అత్తకామం ఆపన్నో’’తి పాఠో, ‘‘అయమేవ గహేతబ్బో’’తి వదన్తి, వీమంసితబ్బం.

దుట్ఠుల్లారోచనసిక్ఖాపదవణ్ణనా నిట్ఠితా.