౭. నిసీదనసిక్ఖాపదవణ్ణనా

౫౩౧. కిఞ్చాపి నిసీదనస్స జాతి న దిస్సతి ఏత్థ, తథాపి చీవరక్ఖన్ధకే అనుఞ్ఞాతత్తా, ‘‘నవ చీవరాని అధిట్ఠాతబ్బానీ’’తి ఏత్థ చ పరియాపన్నత్తా చీవరజాతియేవస్స జాతీతి వేదితబ్బా. ‘‘సన్థతసదిసం సన్థరిత్వాతి సదస’’న్తి పుబ్బే వుత్తనిసీదనసన్థతత్తా ఉపమేతి. లాభే సదసం, అలాభే అదసమ్పి వట్టతీతి ఏకే, తం న యుత్తం. ‘‘నిసీదనం నామ సదసం వుచ్చతీ’’తి తస్స సణ్ఠాననియమనతో.

నిసీదనసిక్ఖాపదవణ్ణనా నిట్ఠితా.