౧. అన్తేపురసిక్ఖాపదవణ్ణనా

౪౯౪-౭. యథా భగవన్తం పయిరుపాసతి, ఏవమాకారేన నారహతాయం పురిసో పాపో హోతుం, న హోతి పాపోతి అత్థో, కారణత్థం వా. తన్తి నిపాతమత్తం, యతోతి వా అత్థో. హత్థిసమ్మద్దన్తి సఙ్ఘాటసమ్మద్దో, అక్కమనం చుణ్ణతాతి అత్థో.

౪౯౮. రతనం నామ అగ్గమహేసీ, తథాపి ఇధ అఞ్ఞాపి దేవిగోత్తా న రక్ఖతి, అనాపత్తివారే ‘‘న మహేసీ హోతీ’’తి వచనాభావతో. సచే ఖత్తియోవ హోతి, నాభిసిత్తో. అభిసిత్తోయేవ హోతి, న ఖత్తియో రక్ఖతీతి ఆచరియో. అనాపత్తివారే మాతికాట్ఠకథాయం అఙ్గభావేన చ వుత్తత్తా అభిసిత్తభావోవపమాణం. సేసం ఉక్కట్ఠపరిచ్ఛేదోతి ఏకే.

౫౦౦-౫౦౧. ‘‘న సయనిఘరే సయనిఘరసఞ్ఞీ’’తి తికచ్ఛేదోపి ఏత్థ లబ్భతి. న సయనిఘరం నామ అపరిక్ఖిత్తరుక్ఖమూలాది.

అన్తేపురసిక్ఖాపదవణ్ణనా నిట్ఠితా.