౧౦. ఆపణసుత్తవణ్ణనా

౫౨౦. ఉపరి సహ విపస్సనాయ తయో మగ్గాతి విపస్సనాయ సహ సోతాపత్తిఫలతో ఉపరి తయో మగ్గా. మగ్గాధిగమేన ఇదాని పచ్చక్ఖభూతత్తా ‘‘ఇమే ఖో తే ధమ్మా’’తి వుత్తా. తత్థ యం అగ్గభూతం, తస్స వసేన దస్సేతుం ‘‘అరహత్తఫలిన్ద్రియం నామా’’తి వుత్తం ఇన్ద్రియభావసామఞ్ఞేన ఏకజ్ఝం కత్వా. అతివిజ్ఝిత్వా పస్సామీతి సచ్ఛికత్వా యాథావతో పస్సామి. చతూహి ఇన్ద్రియేహీతి వీరియిన్ద్రియాదీహి చతూహి ఇన్ద్రియేహి. సా విపస్సనామగ్గఫలసహగతా సియాతి మిస్సకా వుత్తా.

జరావగ్గవణ్ణనా నిట్ఠితా.