౩. జాతరూపసుత్తవణ్ణనా

౧౧౫౩. అఞ్ఞేపి ఉగ్గహాపనే ఉపనిక్ఖిత్తసాదియనే చ పటిగ్గహణత్థో లబ్భతీతి ఆహ – ‘‘న ఉగ్గణ్హాపేన్తి, న ఉపనిక్ఖిత్తం సాదియన్తీ’’తి. అథ వా తివిధం పటిగ్గహణం కాయేన వాచాయ మనసాతి. తత్థ కాయేన పటిగ్గహణం ఉగ్గహణం, వాచాయ పటిగ్గహణం ఉగ్గహాపణం, మనసా పటిగ్గహణం సాదియనం. తివిధమ్పి పటిగ్గహణం సామఞ్ఞనిద్దేసేన, ఏకసేసనయేన వా గహేత్వా ‘‘పటిగ్గహణా’’తి వుత్తన్తి ఆహ – ‘‘నేవ నం ఉగ్గణ్హన్తీ’’తిఆది. ఏస నయో ‘‘ఆమకధఞ్ఞపటిగ్గహణా’’తిఆదీసుపి.