౫. పఠమకామభూసుత్తవణ్ణనా

౩౪౭. ఏలం వుచ్చతి దోసో, తం ఏతస్స నత్థీతి నేలం, తం అఙ్గం ఏతస్సాతి నేలఙ్గో, సువిసుద్ధసీలగుణో. తేనాహ ‘‘నేలఙ్గన్తి ఖో, భన్తే, సీలానమేతం అధివచన’’న్తి. అట్ఠకథాయం పన దోసాభావమేవ దస్సేతుం ‘‘నేలఙ్గోతి నిద్దోసో’’తి వుత్తం. ఏతం భిక్ఖుం ఆగచ్ఛన్తన్తి మహాకప్పినత్థేరం సన్ధాయ వుత్తం. అత్తనో దిట్ఠేన కథేసీతి అత్తనో సబ్బఞ్ఞుతఞ్ఞాణేన పచ్చక్ఖతో ఉపలక్ఖితేన అత్థేన కథేసి. అయం పన నయగ్గాహేనాతి అయం పన గహపతి అసుత్వా కేవలం నయగ్గాహేన ఆహ.

పఠమకామభూసుత్తవణ్ణనా నిట్ఠితా.