౭. గద్దులబద్ధసుత్తవణ్ణనా

౯౯. యం మహాసముద్దోతి ఏత్థ యన్తి సమయస్స పచ్చామసనం. భుమ్మత్థే చేతం పచ్చత్తవచనన్తి ఆహ ‘‘యస్మిం సమయే’’తి. సో చ సమయో అయన్తి దస్సేన్తో ‘‘పఞ్చమే సూరియే ఉట్ఠితే’’తి ఆహ. పరిచ్ఛేదం న వదామి పరిచ్ఛేదకారికాయ అగ్గమగ్గవిజ్జాయ అనధిగతత్తా. సునఖో వియ వట్టనిస్సితో బాలో అసవసభావతో. గద్దులో వియ దిట్ఠిబన్ధో. సక్కాయో తస్స అసవసభావతో. పుథుజ్జనస్స సక్కాయానుపరివత్తనన్తి ‘‘సన్తానే సత్తవోహారో’’తి తం తతో అఞ్ఞం కత్వా భేదేన నిద్దేసో.

గద్దులబద్ధసుత్తవణ్ణనా నిట్ఠితా.