౪-౬. గోమయపిణ్డసుత్తాదివణ్ణనా

౯౬-౯౮. సస్సతం సబ్బకాలం యావ కప్పవుట్ఠానా హోన్తీతి సస్సతియో, సినేరుఆదయో. తాహి సమం సమకాలం. అనేనాతి భగవతా. నయిదన్తి ఏత్థ య-కారో పదసన్ధికరో, ఇదన్తి నిపాతపదం. తం పన యేన యేన సమ్బన్ధీయతి, తం తిలిఙ్గోవ హోతీతి ‘‘అయం మగ్గబ్రహ్మచరియవాసో’’తి వుత్తం. ‘‘న పఞ్ఞాయేయ్యా’’తి వత్వా తమత్థం వివరితుం ‘‘మగ్గో హీ’’తిఆది వుత్తం. వివట్టేన్తోతి వినివట్టేన్తో అప్పవత్తిం కరోన్తో.

రాజధానీతి రఞ్ఞో నివాసనగరం. సుత్తమయన్తి చిత్తవణ్ణవట్టికామయం.

గోమయపిణ్డసుత్తాదివణ్ణనా నిట్ఠితా.