౨. పుప్ఫసుత్తవణ్ణనా

౯౪. వివదతీతి వివాదం కరోతి. వదన్తోతి అయథాసభావేన వదన్తో. వివదతి ధమ్మతాయ విరుద్ధం కత్వా వదతి. లోకధమ్మోతి లుజ్జనసభావధమ్మో. కో పన సోతి ఆహ ‘‘ఖన్ధపఞ్చక’’న్తి. తేనాహ ‘‘తం హీ’’తిఆది. కథం కరోమీతి కేన పకారేనాహం బాలం అజానన్తం కరోమి. తేనాహ ‘‘మయ్హం హీ’’తిఆది. తథా చాహ ‘‘అక్ఖాతో వో మయా మగ్గో’’తిఆది (ధ. ప. ౨౭౫). ‘‘తయో లోకా కథితా’’తి వత్వా తం వివరితుం ‘‘నాహం, భిక్ఖవే’’తిఆదిమాహ.

పుప్ఫసుత్తవణ్ణనా నిట్ఠితా.