౬. సగాథాసుత్తవణ్ణనా

౧౦౦. ‘‘ధాతుసో సంసన్దన్తీ’’తి ఇదం అజ్ఝాసయతో సరిక్ఖతాదస్సనం, న కాయేన మిస్సీభావదస్సనన్తి ఆహ ‘‘సముద్దన్తరే’’తిఆది. నిరన్తరోతి నిబ్బిసేసో. సంసగ్గాతి పఞ్చవిధసంసగ్గహేతు. సంసగ్గగహణేన చేత్థ సంసగ్గవత్థుకా తణ్హా గహితా. తేనాహ ‘‘దస్సన…పే… స్నేహేనా’’తి.

వనతి భజతి సజ్జతి తేనాతి వనం, వనథోతి చ కిలేసో వుచ్చతీతి ఆహ ‘‘వనథో జాతోతి కిలేసవనం జాత’’న్తి. ఇతరే సంసగ్గమూలకాతి తమేవ పటిక్ఖిపన్తో ఆహ ‘‘అదస్సనేనా’’తి. సాధుజీవీతి సాధు సుట్ఠు జీవీ, తంజీవనసీలో. తేనాహ ‘‘పరిసుద్ధజీవితం జీవమానో’’తి.

సగాథాసుత్తవణ్ణనా నిట్ఠితా.