౧. దసబలసుత్తవణ్ణనా

౨౧. పఠమం దుతియస్సేవ సఙ్ఖేపో పఠమసుత్తే సఙ్ఖేపవుత్తస్స అత్థస్స విత్థారవసేన దుతియసుత్తస్స దేసితత్తా, తఞ్చ పన భగవా పఠమసుత్తం సఙ్ఖేపతో దేసేసి, దుతియం తతో విత్థారతో. పఠమం వా సంఖిత్తరుచీనం పుగ్గలానం అజ్ఝాసయేన సఙ్ఖేపతో దేసేసి, దుతియం పన అత్తనో రుచియా తతో విత్థారతో. సీహసమానవుత్తికా హి బుద్ధా భగవన్తో, తే అత్తనో రుచియా కథేన్తా అత్తనో థామం దస్సేన్తావ కథేన్తి, తస్మా దుతియసుత్తవసేన చేత్థ అత్థవణ్ణనం కరిస్సామ, తస్మిం సంవణ్ణితే పఠమం సంవణ్ణితమేవ హోతీతి అధిప్పాయో.

దసబలసుత్తవణ్ణనా నిట్ఠితా.