౪. దుతియసమణబ్రాహ్మణసుత్తవణ్ణనా

౧౪. ఇమే ధమ్మే కతమే ధమ్మేతి చ ఏత్థ ఇతి-సద్దో ఆదిఅత్థో. తేన ‘‘ఇమేసం ధమ్మానం కతమేసం ధమ్మాన’’న్తి ఇమేసం పదానం సఙ్గహో. ఏతాని హి పదాని జరామరణాదీనం సాధారణభావేన వుత్తాని ఇమిస్సా దేసనాయ పపఞ్చభూతానీతి ఆహ ‘‘ఏత్తకం పపఞ్చం కత్వా కథితం, దేసనం…పే… అజ్ఝాసయేనా’’తి. ఇమినా తానేవ జరామరణాదీని గహేత్వా పుగ్గలజ్ఝాసయవసేన ఆదితో ‘‘ఇమే ధమ్మే’’తిఆదినా సబ్బపదసాధారణతో దేసనా ఆరద్ధా. యథానులోమసాసనఞ్హి సుత్తన్తదేసనా, న యథాధమ్మసాసనన్తి.

దుతియసమణబ్రాహ్మణసుత్తవణ్ణనా నిట్ఠితా.