౫. అక్కోధసుత్తవణ్ణనా

౨౭౧. కోధో తుమ్హే మా అభిభవీతి ఏత్థ కోధేన అనభిభవనీయత్తం ఖన్తిమేత్తాకరుణాదితప్పటిపక్ఖధమ్మపరిబ్రూహనేన. తథా హి తంసమఙ్గినో కోధో అభిభుయ్యతీతి ఆహ ‘‘తుమ్హేవ కోధం అభిభవథ. కుజ్ఝన్తానం మా పటికుజ్ఝిత్థా’’తి. పటిపదాతి ఏసా పటిపత్తి. మేత్తాతి అప్పనాప్పత్తా మేత్తా. తదుపచారో మేత్తాపుబ్బభాగో. న విహింసతి కిఞ్చి ఏతాయాతి అవిహింసా. కరుణాతి అప్పనాప్పత్తకరుణా వేదితబ్బా. తదుపచారో కరుణాపుబ్బభాగో. లామకజనన్తి ఖన్తిఆదీసు యోనిసోమనసికారాభావేన గారయ్హసమాచారసమాయోగేన చ నిహీనం జనం. పచ్చయపరిసుద్ధియా కోధో అభిమద్దమానో పుగ్గలం అభిమద్దతి, తస్స సో పటిసఙ్ఖానభావనాబలేహి సమ్మదేవ పహాతబ్బోతి.

అక్కోధసుత్తవణ్ణనా నిట్ఠితా.

తతియవగ్గవణ్ణనా నిట్ఠితా.

సారత్థప్పకాసినియా సంయుత్తనికాయ-అట్ఠకథాయ

సక్కసంయుత్తవణ్ణనాయ లీనత్థప్పకాసనా సమత్తా.

నిట్ఠితా చ సారత్థప్పకాసినియా

సంయుత్తనికాయ-అట్ఠకథాయ సగాథావగ్గవణ్ణనా.

పఠమో భాగో నిట్ఠితో.