౮. ఉపస్సుతిసిక్ఖాపదవణ్ణనా

ఉపస్సుతిన్తి యథా ఉపకుజ్ఝం ‘‘సమీపకుజ్ఝ’’న్తి వుచ్చతి, తథా ఉపస్సుతి ‘‘సమీపస్సుతీ’’తి వేదితబ్బా. యత్థ ఠితో సుణాతి, తం ఠానన్తి అత్థో. సుతీతి పనేత్థ పరేసం వచనసద్దో చ. సో హి సుయ్యతీతి సుతి నామ. ఉపసుయ్యతి వా ఏత్థాతి ఉపస్సుతి. ఓకాసో హి సుతి నామ. ఇమేసం సుత్వాతి ఏత్థ ‘‘వచన’’న్తి పాఠసేసో.

సముట్ఠానాదీని అతీతద్వయసదిసానీతి న గహేతబ్బాని. థేయ్యసత్థసముట్ఠానం. సియా కిరియం గన్త్వా సవనే. సియా అకిరియం ఠితట్ఠానం ఆగన్త్వా వదన్తానం అజానాపనవసేన సముట్ఠానతో. ‘‘సఞ్ఞావిమోక్ఖం, సచిత్తకం, లోకవజ్జం, కాయకమ్మం, వచీకమ్మం, అకుసలచిత్తం, దుక్ఖవేదన’’న్తి లిఖితం.

ఉపస్సుతిసిక్ఖాపదవణ్ణనా నిట్ఠితా.