౩. భేసజ్జసిక్ఖాపదవణ్ణనా

‘‘పటిసాయనీయాని పటిగ్గహేత్వా’’తి వదన్తేన పాదమక్ఖనాదీనం అత్థాయ పటిగ్గహేత్వా ఠపేతుం వట్టతీతి దీపితన్తి లిఖితం. ‘‘యేసం మంసం కప్పతీ’’తి వచనేన యేసం మంసం న కప్పతి, తేసం సప్పిఆది న కప్పతీతి వదన్తా అజానిత్వా వదన్తి. యేసఞ్హి మంసం కప్పతి, తేసం సప్పీతిఆది సత్తాహకాలికనిస్సగ్గియవత్థుపరిచ్ఛేదదస్సనత్థం వుత్తం. తథా పణీతభోజనసిక్ఖాపదే యేసం మంసం కప్పతి, తేసంయేవ ఖీరాది పణీతభోజనం, నేతరన్తి దస్సేతుం వుత్తన్తి. మధు నామ మధుకరిభమరమక్ఖికానం ఆసయేసు నియ్యాససదిసం మహామధు హోతి, తం యావజీవికన్తి చ లిఖితం.

భేసజ్జసిక్ఖాపదవణ్ణనా నిట్ఠితా.

పత్తవగ్గో తతియో.

నిస్సగ్గియపాచిత్తియవణ్ణనా నిట్ఠితా.