౧౦. అననుఞ్ఞాతసిక్ఖాపదవణ్ణనా

తేసం అత్థిభావం అజానన్తియాతి (పాచి. అట్ఠ. ౧౧౬౩) తేసం మాతాదీనం అత్థిభావం అజానన్తియా. అననుఞ్ఞాతసముట్ఠానన్తి యం వాచతో, కాయవాచతో, వాచాచిత్తతో, కాయవాచాచిత్తతో చ సముట్ఠాతి, తం అననుఞ్ఞాతసముట్ఠానం. కథం? అబ్భానకమ్మాదీసు కేనచిదేవ కరణీయేన ఖణ్డసీమాయం నిసిన్నా ‘‘పక్కోసథ సిక్ఖమానం, ఇధేవ నం ఉపసమ్పాదేస్సామా’’తి ఉపసమ్పాదేతి, ఏవం వాచతో సముట్ఠాతి. ‘‘ఉపస్సయతో ఉట్ఠాయ ఉపసమ్పాదేస్సామీ’’తి వత్వా ఖణ్డసీమం గచ్ఛన్తియా కాయవాచతో సముట్ఠాతి. ద్వీసు ఠానేసు పణ్ణత్తిం జానిత్వా వీతిక్కమం కరోన్తియా వాచాచిత్తతో, కాయవాచాచిత్తతో చ సముట్ఠాతి. అననుజానాపేత్వా ఉపసమ్పాదనతో కిరియాకిరియం.

అననుఞ్ఞాతసిక్ఖాపదవణ్ణనా నిట్ఠితా.