౭. అభిఞ్ఞేయ్యాదివారవణ్ణనా

౧౦౩౦. ‘‘రుప్పనలక్ఖణం రూపం, అనుభవనలక్ఖణా వేదనా’’తిఆదినా సామఞ్ఞలక్ఖణపరిగ్గాహికా. ‘‘ఫుసనలక్ఖణో ఫస్సో, సాతలక్ఖణం సుఖ’’న్తిఆదినా విసేసలక్ఖణపరిగ్గాహికా.

‘‘చత్తారో ఖన్ధా సియా కుసలా’’తిఆదీసు ఇధ యం వత్తబ్బం, తం ఖన్ధవిభఙ్గాదీసు వుత్తం, తస్మా తత్థ వుత్తనయేనేవ గహేతబ్బన్తి అధిప్పాయో. సేసం యదేత్థ న వుత్తం, తం సువిఞ్ఞేయ్యమేవాతి.

అభిఞ్ఞేయ్యాదివారవణ్ణనా నిట్ఠితా.

ధమ్మహదయవిభఙ్గవణ్ణనా నిట్ఠితా.

ఇతి సమ్మోహవినోదనియా టీకాయ లీనత్థవణ్ణనా

విభఙ్గ-అనుటీకా సమత్తా.