౯. నవకనిద్దేసవణ్ణనా

౯౬౦-౯౬౩. దసమస్సాతి అట్ఠానఘాతస్స.

అజ్ఝత్తన్తి గోచరజ్ఝత్తం అధిప్పేతం. ఏతస్స గాథావచనస్స. నిట్ఠపేత్వాతి అభినివిస్స.

౯౬౪. అఞ్ఞేసం ఫస్సాదీనం సఙ్ఖతభావే యథాసకంపచ్చయేహి. యేనాకారేన మానస్స సాతిసయా పవత్తి, తం దస్సేతుం ‘‘అహన్తి, అస్మీతి చా’’తి వుత్తం. అత్తనోతి దిట్ఠిగతపరికప్పితస్స అత్తనో. యథా మానస్స సమ్పగ్గహవసేన, ఏవం తణ్హాయ మమత్తవసేన, దిట్ఠియా నిచ్చాదివసేన పవత్తి విసేసవతీ సమానేపి అనాగతకాలామసనేతి ఆహ ‘‘భవిస్సన్తీ…పే… వుత్తో’’తి. ‘‘అహమస్మీ’’తి పన పవత్తమానస్సేవ భవతీతి సబ్బపదసాధారణస్స మానస్సేవ వసేన ఇఞ్జితాదితా అట్ఠకథాయం వుత్తా.

నవకనిద్దేసవణ్ణనా నిట్ఠితా.