౧౫. ఆహారపచ్చయనిద్దేసవణ్ణనా

౧౫. కబళం కరిత్వా అజ్ఝోహరితోవాతి అసితపీతాదివత్థూహి సహ అజ్ఝోహరితోవాతి వుత్తం హోతి. పాతబ్బసాయితబ్బానిపి హి సభావవసేన కబళాయేవ హోన్తీతి.

సేసతిసన్తతిసముట్ఠానస్స అనుపాలకోవ హుత్వాతి ఏత్థ చిత్తసముట్ఠానస్స ఆహారపచ్చయభావో విచారేత్వా గహేతబ్బో. న హి చిత్తసముట్ఠానో కబళీకారో ఆహారో నోచిత్తసముట్ఠానో తదుభయఞ్చ చిత్తసముట్ఠానకాయస్స ఆహారపచ్చయో వుత్తో, తివిధోపి పన సో నోచిత్తసముట్ఠానకాయస్స వుత్తోతి.

ఆహారపచ్చయనిద్దేసవణ్ణనా నిట్ఠితా.