౯. అపరినిప్ఫన్నకథావణ్ణనా

౯౧౭-౯౧౮. న అనిచ్చాదిభావన్తి ఏత్థ అనిచ్చాదికో భావో ఏతస్సాతి అనిచ్చాదిభావన్తి రూపం వుత్తం. ‘‘న కేవలఞ్హి పఠమసచ్చమేవ దుక్ఖ’’న్తి వదన్తేన ‘‘దుక్ఖఞ్ఞేవ పరినిప్ఫన్న’’న్తి దుక్ఖసచ్చం సన్ధాయ పుచ్ఛా కతాతి దస్సితం హోతి. ఏవం సతి తేన ‘‘చక్ఖాయతనం అపరినిప్ఫన్న’’న్తిఆది న వత్తబ్బం సియా. న హి చక్ఖాయతనాదీని అనుపాదిన్నాని లోకుత్తరాని వా. తన్తి ‘‘దుక్ఖఞ్ఞేవ పరినిప్ఫన్నం, న పన రూప’’న్తి ఏతం రూపస్స చ దుక్ఖత్తా నో వత రే వత్తబ్బేతి అత్థో.

అపరినిప్ఫన్నకథావణ్ణనా నిట్ఠితా.

తేవీసతిమవగ్గవణ్ణనా నిట్ఠితా.

కథావత్థుపకరణ-మూలటీకా సమత్తా.

నమో తస్స భగవతో అరహతో సమ్మాసమ్బుద్ధస్స