౧౨. ఉపాదాపఞ్ఞత్తానుయోగవణ్ణనా

౯౭. నీలం రూపం ఉపాదాయ నీలోతిఆదీసూతి ‘‘నీలం రూపం ఉపాదాయ నీలకస్స పుగ్గలస్స పఞ్ఞత్తీ’’తి ఏత్థ యో పుట్ఠో నీలం ఉపాదాయ నీలోతి, తదాదీసూతి అత్థో.

౯౮. ఛేకట్ఠం సన్ధాయాతి ఛేకట్ఠం సన్ధాయ వుత్తం, న కుసలపఞ్ఞత్తిం. ‘‘కుసలం వేదనం ఉపాదాయా’’తి మఞ్ఞమానో పటిజానాతీతి అత్థో దట్ఠబ్బో.

౧౧౨. ఇదాని …పే… దస్సేతుం ‘‘యథా రుక్ఖ’’న్తిఆదిమాహాతి పుబ్బపక్ఖం దస్సేత్వా ఉత్తరమాహాతి వుత్తం హోతి.

౧౧౫. ‘‘యస్స రూపం సో రూపవా’’తి ఉత్తరపక్ఖే వుత్తం వచనం ఉద్ధరిత్వా ‘‘యస్మా’’తిఆదిమాహ.

౧౧౬. చిత్తానుపస్సనావసేనాతి చిత్తానుపస్సనావసేన పరిదీపితస్స సరాగాదిచిత్తయోగస్స వసేనాతి అధిప్పాయో.

౧౧౮. యేనాతి చక్ఖున్తి ‘‘యేనా’’తి వుత్తం కరణం చక్ఖున్తి అత్థో. చక్ఖుమేవ రూపం పస్సతీతి విఞ్ఞాణనిస్సయభావూపగమనమేవ చక్ఖుస్స దస్సనం నామ హోతీతి సన్ధాయ వదతి.

ఉపాదాపఞ్ఞత్తానుయోగవణ్ణనా నిట్ఠితా.