౧౦. దసకనిద్దేసవణ్ణనా

౨౦౯. పఞ్చన్నం ఇధ నిట్ఠా, పఞ్చన్నం ఇధ విహాయ నిట్ఠాతి ఏత్థ యే సోతాపన్నాదయో రూపారూపభవే ఉపపజ్జిత్వా పరినిబ్బాయిస్సన్తి, తే ఇధ విహాయ నిట్ఠాపక్ఖం భజమానాపి అజ్ఝత్తసంయోజనానం అసముచ్ఛిన్నత్తా పుథుజ్జనసాధారణే చ ఠానే ఉపపత్తియా న గహితా. అసాధారణట్ఠానుప్పత్తివసేన పన అన్తరాపరినిబ్బాయీఆదయో ఏవ ‘‘ఇధ విహాయ నిట్ఠా’’తి వుత్తాతి వేదితబ్బాతి.

దసకనిద్దేసవణ్ణనా నిట్ఠితా.

పుగ్గలపఞ్ఞత్తిపకరణ-మూలటీకా సమత్తా.