౮. థేరసుత్తవణ్ణనా

౮౮. అట్ఠమే థిరభావప్పత్తోతి సాసనే థిరభావం అనివత్తిభావం పత్థో. పబ్బజితో హుత్వా బహూ రత్తియో జానాతీతి రత్తఞ్ఞూ. తేనాహ ‘‘పబ్బజితదివసతో పట్ఠాయా’’తిఆది. పాకటోతి అయథాభూతగుణేహి చేవ యథాభూతగుణేహి చ సముగ్గతో. యసో ఏతస్స అత్థీతి యసస్సీ, యసం సితో నిస్సితో వా యసస్సీ. తేనాహ ‘‘యసనిస్సితో’’తి. అసతం అసాధూనం ధమ్మా అసద్ధమ్మా, అసన్తా వా అసున్దరా గారయ్హా లామకా ధమ్మాతి అసద్ధమ్మా. విపరియాయేన సద్ధమ్మా వేదితబ్బా.

థేరసుత్తవణ్ణనా నిట్ఠితా.