౯. విఞ్ఞాణసుత్తం

౫౯. సావత్థియం విహరతి…పే… ‘‘సంయోజనియేసు, భిక్ఖవే, ధమ్మేసు అస్సాదానుపస్సినో విహరతో విఞ్ఞాణస్స అవక్కన్తి హోతి. విఞ్ఞాణపచ్చయా నామరూపం…పే… ఏవమేతస్స కేవలస్స దుక్ఖక్ఖన్ధస్స సముదయో హోతి’’.

‘‘సేయ్యథాపి, భిక్ఖవే, మహారుక్ఖో. తస్స యాని చేవ మూలాని …పే… ఏవమేవ ఖో, భిక్ఖవే, సంయోజనియేసు ధమ్మేసు అస్సాదానుపస్సినో విహరతో విఞ్ఞాణస్స అవక్కన్తి హోతి…పే….

‘‘సంయోజనియేసు, భిక్ఖవే, ధమ్మేసు ఆదీనవానుపస్సినో విహరతో విఞ్ఞాణస్స అవక్కన్తి న హోతి. విఞ్ఞాణనిరోధా నామరూపనిరోధో…పే… ఏవమేతస్స కేవలస్స దుక్ఖక్ఖన్ధస్స నిరోధో హోతి.

‘‘సేయ్యథాపి, భిక్ఖవే, మహారుక్ఖో. అథ పురిసో ఆగచ్ఛేయ్య కుద్దాలపిటకం ఆదాయ…పే… ఆయతిం అనుప్పాదధమ్మో. ఏవమేవ ఖో, భిక్ఖవే, సంయోజనియేసు ధమ్మేసు ఆదీనవానుపస్సినో విహరతో విఞ్ఞాణస్స అవక్కన్తి న హోతి. విఞ్ఞాణస్స నిరోధా నామరూపనిరోధో…పే… ఏవమేతస్స కేవలస్స దుక్ఖక్ఖన్ధస్స నిరోధో హోతీ’’తి. నవమం.