౧. చన్దిమససుత్తం

౯౨. సావత్థినిదానం. అథ ఖో చన్దిమసో [చన్దిమాసో (క.)] దేవపుత్తో అభిక్కన్తాయ రత్తియా అభిక్కన్తవణ్ణో కేవలకప్పం జేతవనం ఓభాసేత్వా యేన భగవా తేనుపసఙ్కమి; ఉపసఙ్కమిత్వా భగవన్తం అభివాదేత్వా ఏకమన్తం అట్ఠాసి. ఏకమన్తం ఠితో ఖో చన్దిమసో దేవపుత్తో భగవతో సన్తికే ఇమం గాథం అభాసి –

‘‘తే హి సోత్థిం గమిస్సన్తి, కచ్ఛే వామకసే మగా;

ఝానాని ఉపసమ్పజ్జ, ఏకోది నిపకా సతా’’తి.

‘‘తే హి పారం గమిస్సన్తి, ఛేత్వా జాలంవ అమ్బుజో;

ఝానాని ఉపసమ్పజ్జ, అప్పమత్తా రణఞ్జహా’’తి.