౯. సన్ధితత్థేరగాథా

౨౧౭. ‘‘అస్సత్థే హరితోభాసే, సంవిరూళ్హమ్హి పాదపే;

ఏకం బుద్ధగతం సఞ్ఞం, అలభిత్థం [అలభిం హం (క.)] పతిస్సతో.

౨౧౮. ‘‘ఏకతింసే ఇతో కప్పే, యం సఞ్ఞమలభిం తదా;

తస్సా సఞ్ఞాయ వాహసా, పత్తో మే ఆసవక్ఖయో’’తి.

… సన్ధితో థేరో….

వగ్గో పఞ్చమో నిట్ఠితో.

తస్సుద్దానం –

కుమారకస్సపో థేరో, ధమ్మపాలో చ బ్రహ్మాలి;

మోఘరాజా విసాఖో చ, చూళకో చ అనూపమో;

వజ్జితో సన్ధితో థేరో, కిలేసరజవాహనోతి.

దుకనిపాతో నిట్ఠితో.