౨. తిస్సమేత్తేయ్యమాణవపుచ్ఛా

౧౦౪౬. ‘‘కోధ సన్తుసితో లోకే, (ఇచ్చాయస్మా తిస్సమేత్తేయ్యో)

కస్స నో సన్తి ఇఞ్జితా;

కో ఉభన్తమభిఞ్ఞాయ, మజ్ఝే మన్తా న లిప్పతి [లిమ్పతి (క.)];

కం బ్రూసి మహాపురిసోతి, కో ఇధ సిబ్బినిమచ్చగా’’.

౧౦౪౭. ‘‘కామేసు బ్రహ్మచరియవా, (మేత్తేయ్యాతి భగవా)

వీతతణ్హో సదా సతో;

సఙ్ఖాయ నిబ్బుతో భిక్ఖు, తస్స నో సన్తి ఇఞ్జితా.

౧౦౪౮. ‘‘సో ఉభన్తమభిఞ్ఞాయ, మజ్ఝే మన్తా న లిప్పతి;

తం బ్రూమి మహాపురిసోతి, సో ఇధ సిబ్బినిమచ్చగా’’తి.

తిస్సమేత్తేయ్యమాణవపుచ్ఛా దుతియా నిట్ఠితా.