౧౦. దీఘట్ఠిపఞ్హో

౧౦. రాజా ఆహ ‘‘భన్తే నాగసేన, తుమ్హే ఏవం భణథ ‘అట్ఠికాని దీఘాని యోజనసతికానిపీ’తి, రుక్ఖోపి తావ నత్థి యోజనసతికో, కుతో పన అట్ఠికాని దీఘాని యోజనసతికాని భవిస్సన్తీ’’తి?

‘‘తం కిం మఞ్ఞసి, మహారాజ, సుతం తే ‘మహాసముద్దే పఞ్చయోజనసతికాపి మచ్ఛా అత్థీ’’’తి? ‘‘ఆమ, భన్తే, సుత’’న్తి. ‘‘నను మహారాజ, పఞ్చయోజనసతికస్స మచ్ఛస్స అట్ఠికాని దీఘాని భవిస్సన్తి యోజనసతికానిపీ’’తి?

‘‘కల్లోసి, భన్తే నాగసేనా’’తి.