౫. భగవతో ఉపసమ్పదాపఞ్హో

౫. రాజా ఆహ ‘‘భన్తే నాగసేన, ఉపసమ్పదా సున్దరా’’తి? ‘‘ఆమ, మహారాజ, ఉపసమ్పదా సున్దరా’’తి. ‘‘అత్థి పన, భన్తే, బుద్ధస్స ఉపసమ్పదా, ఉదాహు నత్థీ’’తి? ‘‘ఉపసమ్పన్నో ఖో, మహారాజ, భగవా బోధిరుక్ఖమూలే సహ సబ్బఞ్ఞుతఞాణేన, నత్థి భగవతో ఉపసమ్పదా అఞ్ఞేహి దిన్నా, యథా సావకానం, మహారాజ, భగవా సిక్ఖాపదం పఞ్ఞపేతి యావజీవం అనతిక్కమనీయ’’న్తి.

‘‘కల్లోసి, భన్తే నాగసేనా’’తి.

భగవతో ఉపసమ్పదాపఞ్హో పఞ్చమో.