౩. బుద్ధస్స అనుత్తరభావజాననపఞ్హో

౩. రాజా ఆహ ‘‘భన్తే నాగసేన, సక్కా జానితుం ‘బుద్ధో అనుత్తరో’’’తి? ‘‘ఆమ, మహారాజ, సక్కా జానితుం ‘భగవా అనుత్తరో’’’తి. ‘‘కథం, భన్తే నాగసేన, సక్కా జానితుం ‘బుద్ధో అనుత్తరో’’’తి. ‘‘భూతపుబ్బం, మహారాజ, తిస్సత్థేరో నామ లేఖాచరియో అహోసి, బహూని వస్సాని అబ్భతీతాని కాలఙ్కతస్స కథం సో ఞాయతీ’’తి. ‘‘లేఖేన భన్తే’’తి. ‘‘ఏవమేవ ఖో, మహారాజ, యో ధమ్మం పస్సతి, సో భగవన్తం పస్సతి, ధమ్మో హి, మహారాజ, భగవతా దేసితో’’తి.

‘‘కల్లోసి, భన్తే నాగసేనా’’తి.

బుద్ధస్స అనుత్తరభావజాననపఞ్హో తతియో.