౩. పఞ్చాయతనకమ్మనిబ్బత్తపఞ్హో

౩. రాజా ఆహ ‘‘భన్తే నాగసేన, యానిమాని పఞ్చాయతనాని, కిం ను తాని నానాకమ్మేహి నిబ్బత్తాని, ఉదాహు ఏకేన కమ్మేనా’’తి? ‘‘నానాకమ్మేహి, మహారాజ, నిబ్బత్తాని, న ఏకేన కమ్మేనా’’తి.

‘‘ఓపమ్మం కరోహీ’’తి. ‘‘తం కిం మఞ్ఞసి, మహారాజ, ఏకస్మిం ఖేత్తే నానాబీజాని వప్పేయ్యుం, తేసం నానాబీజానం నానాఫలాని నిబ్బత్తేయ్యు’’న్తి? ‘‘ఆమ, భన్తే, నిబ్బత్తేయ్యు’’న్తి. ‘‘ఏవమేవ ఖో, మహారాజ, యాని యాని పఞ్చాయతనాని, తాని తాని నానాకమ్మేహి నిబ్బత్తాని, న ఏకేన కమ్మేనా’’తి.

‘‘కల్లోసి, భన్తే నాగసేనా’’తి.