౧౦. సఞ్ఞాలక్ఖణపఞ్హో

౧౦. ‘‘భన్తే నాగసేన, కింలక్ఖణా సఞ్ఞా’’తి? ‘‘సఞ్జాననలక్ఖణా, మహారాజ, సఞ్ఞా. కిం సఞ్జానాతి? నీలమ్పి సఞ్జానాతి, పీతమ్పి సఞ్జానాతి, లోహితమ్పి సఞ్జానాతి, ఓదాతమ్పి సఞ్జానాతి, మఞ్జిట్ఠమ్పి [మఞ్జేట్ఠమ్పి (సీ. పీ.)] సఞ్జానాతి. ఏవం ఖో, మహారాజ, సఞ్జాననలక్ఖణా సఞ్ఞా’’తి.

‘‘ఓపమ్మం కరోహీ’’తి. ‘‘యథా, మహారాజ, రఞ్ఞో భణ్డాగారికో భణ్డాగారం పవిసిత్వా నీలపీతలోహితోదాతమఞ్జిట్ఠాని [మఞ్జేట్ఠాని (సీ. పీ.)] రాజభోగాని రూపాని పస్సిత్వా సఞ్జానాతి. ఏవం ఖో, మహారాజ, సఞ్జాననలక్ఖణా సఞ్ఞా’’తి.

‘‘కల్లోసి, భన్తే నాగసేనా’’తి.

సఞ్ఞాలక్ఖణపఞ్హో దసమో.