౭. యోనిసోమనసికారపఞ్హో

౭. రాజా ఆహ ‘‘భన్తే నాగసేన, యో న పటిసన్దహతి, నను సో యోనిసో మనసికారేన న పటిసన్దహతీ’’తి? ‘‘యోనిసో చ మహారాజ, మనసికారేన పఞ్ఞాయ చ అఞ్ఞేహి చ కుసలేహి ధమ్మేహీ’’తి. ‘‘నను, భన్తే, యోనిసో మనసికారో యేవ పఞ్ఞా’’తి? ‘‘న హి, మహారాజ, అఞ్ఞో మనసికారో, అఞ్ఞా పఞ్ఞా, ఇమేసం ఖో, మహారాజ, అజేళకగోణమహింసఓట్ఠగద్రభానమ్పి మనసికారో అత్థి, పఞ్ఞా పన తేసం నత్థీ’’తి.

‘‘కల్లోసి, భన్తే నాగసేనా’’తి.

యోనిసోమనసికారపఞ్హో సత్తమో.