౧. వితక్కసుత్తం

౮౦. వుత్తఞ్హేతం భగవతా, వుత్తమరహతాతి మే సుతం –

‘‘తయోమే, భిక్ఖవే, అకుసలవితక్కా. కతమే తయో? అనవఞ్ఞత్తిపటిసంయుత్తో వితక్కో, లాభసక్కారసిలోకపటిసంయుత్తో వితక్కో, పరానుద్దయతాపటిసంయుత్తో వితక్కో. ఇమే ఖో, భిక్ఖవే, తయో అకుసలవితక్కా’’తి. ఏతమత్థం భగవా అవోచ. తత్థేతం ఇతి వుచ్చతి –

‘‘అనవఞ్ఞత్తిసంయుత్తో, లాభసక్కారగారవో;

సహనన్దీ అమచ్చేహి, ఆరా సంయోజనక్ఖయా.

‘‘యో చ పుత్తపసుం హిత్వా, వివాహే సంహరాని [సఙ్గహాని (క. సీ. స్యా. పీ.)] చ;

భబ్బో సో తాదిసో భిక్ఖు, ఫుట్ఠుం సమ్బోధిముత్తమ’’న్తి.

అయమ్పి అత్థో వుత్తో భగవతా, ఇతి మే సుతన్తి. పఠమం.