౮. భిదురసుత్తం

౭౭. వుత్తఞ్హేతం భగవతా, వుత్తమరహతాతి మే సుతం –

‘‘భిదురాయం [భిన్దన్తాయం (స్యా. పీ. క.)], భిక్ఖవే, కాయో, విఞ్ఞాణం విరాగధమ్మం, సబ్బే ఉపధీ అనిచ్చా దుక్ఖా విపరిణామధమ్మా’’తి. ఏతమత్థం భగవా అవోచ. తత్థేతం ఇతి వుచ్చతి –

‘‘కాయఞ్చ భిదురం [భిన్దన్తం (స్యా. పీ. క.)] ఞత్వా, విఞ్ఞాణఞ్చ విరాగునం [విరాగికం (క. సీ.), పభఙ్గుణం (స్యా.)];

ఉపధీసు భయం దిస్వా, జాతిమరణమచ్చగా;

సమ్పత్వా పరమం సన్తిం, కాలం కఙ్ఖతి భావితత్తో’’తి.

అయమ్పి అత్థో వుత్తో భగవతా, ఇతి మే సుతన్తి. అట్ఠమం.