౧. పఠమసిక్ఖాపదవణ్ణనా

౧౧౮౧. ఛత్తవగ్గస్స పఠమసిక్ఖాపదే – సకిమ్పి ధారేతి ఆపత్తి పాచిత్తియస్సాతి మగ్గగమనే ఏకపయోగేనేవ దివసమ్పి ధారేతి, ఏకావ ఆపత్తి. సచే కద్దమాదీని పత్వా ఉపాహనా ఓముఞ్చిత్వా ఛత్తమేవ ధారేన్తీ గచ్ఛతి, దుక్కటం. అథాపి గచ్ఛాదీని దిస్వా ఛత్తం అపనామేత్వా ఉపాహనారుళ్హావ గచ్ఛతి, దుక్కటమేవ. సచే ఛత్తమ్పి అపనామేత్వా ఉపాహనాపి ఓముఞ్చిత్వా పున ధారేతి, పున పాచిత్తియం. ఏవం పయోగగణనాయ ఆపత్తియో వేదితబ్బా. సేసం ఉత్తానమేవ. ఏళకలోమసముట్ఠానం – కిరియం, నోసఞ్ఞావిమోక్ఖం, అచిత్తకం, పణ్ణత్తివజ్జం, కాయకమ్మం, తిచిత్తం, తివేదనన్తి.

పఠమసిక్ఖాపదం.