౮. అట్ఠమసిక్ఖాపదవణ్ణనా

౯౧౬-౮. అట్ఠమే – నటా నామ యే నాటకం నాటేన్తి. నటకా నామ యే నచ్చన్తి. లఙ్ఘకా నామ యే వంసవరత్తాదీసు లఙ్ఘనకమ్మం కరోన్తి. సోకజ్ఝాయికా నామ మాయాకారా. కుమ్భథూణికా నామ ఘటకేన కీళనకా; బిమ్బిసకవాదకాతిపి వదన్తి. దేతి ఆపత్తి పాచిత్తియస్సాతి ఏత్థ చీవరగణనాయ ఆపత్తియో వేదితబ్బా. సేసం ఉత్తానమేవ.

ఛసముట్ఠానం – కిరియం, నోసఞ్ఞావిమోక్ఖం, అచిత్తకం, పణ్ణత్తివజ్జం, కాయకమ్మం, వచీకమ్మం, తిచిత్తం, తివేదనన్తి.

అట్ఠమసిక్ఖాపదం.