౧-౧౦. అసుభసుత్తాదివణ్ణనా

౨౪౮-౨౫౭. అసుభసఞ్ఞాతి అసుభే పఠమజ్ఝానసఞ్ఞా. మరణసఞ్ఞాతి ‘‘అవస్సం మరితబ్బం, మరణపటిబద్ధం మే జీవిత’’న్తి అభిణ్హం పచ్చవేక్ఖన్తస్స ఉప్పన్నసఞ్ఞా. ఆహారే పటికూలసఞ్ఞాతి ఓదనకుమ్మాసాదిమ్హి అజ్ఝోహరణీయే పటికూలసఞ్ఞా. సబ్బలోకే అనభిరతిసఞ్ఞాతి సకలలోకస్మిం అనభిరతిం ఉప్పాదేన్తస్స ఉప్పన్నసఞ్ఞా. పహానసఞ్ఞావిరాగసఞ్ఞాతి ద్వే పుబ్బభాగా. నిరోధసఞ్ఞా మిస్సకా. ఏవమేతాని అట్ఠికసఞ్ఞాదీని వీసతి కమ్మట్ఠానాని నిద్దిట్ఠాని. తేసం నవసు అప్పనా హోన్తి, ఏకాదస ఉపచారజ్ఝానికా. సేసా పనేత్థ వినిచ్ఛయకథా విసుద్ధిమగ్గే (విసుద్ధి. ౧.౨౯౪) ఆగతావ. గఙ్గాపేయ్యాలాదయో మగ్గసంయుత్తే వుత్తనయేనేవ వేదితబ్బా.

బోజ్ఝఙ్గసంయుత్తవణ్ణనా నిట్ఠితా.