౭-౮. హాలిద్దికానిసుత్తాదివణ్ణనా

౧౩౦-౧౩౧. సత్తమే మనాపం ఇత్థేతన్తి పజానాతీతి యం అనేన మనాపం రూపం దిట్ఠం, తం ఇత్థేతన్తి ఏవమేతం మనాపమేవ తన్తి పజానాతి. చక్ఖువిఞ్ఞాణం సుఖవేదనియఞ్చ ఫస్సం పటిచ్చాతి చక్ఖువిఞ్ఞాణఞ్చేవ, యో చ ఉపనిస్సయకోటియా వా అనన్తరకోటియా వా సమనన్తరకోటియా వా సమ్పయుత్తకోటియా వా సుఖవేదనాయ పచ్చయో ఫస్సో, తం సుఖవేదనియం ఫస్సఞ్చ పటిచ్చ ఉప్పజ్జతి సుఖవేదనాతి. ఏస నయో సబ్బత్థ. ఇతి ఇమేసు ద్వీసు సుత్తేసు కిరియామనోవిఞ్ఞాణధాతు ఆవజ్జనకిచ్చా, మనోధాతుయేవ వా సమానా మనోధాతునామేన వుత్తాతి వేదితబ్బా. అట్ఠమం ఉత్తానమేవ.