౧౦. తతియచేతనాసుత్తవణ్ణనా

౪౦. దసమే నతీతి తణ్హా. సా హి పియరూపేసు రూపాదీసు నమనట్ఠేన ‘‘నతీ’’తి వుచ్చతి. ఆగతి గతి హోతీతి ఆగతిమ్హి గతి హోతి, ఆగతే పచ్చుపట్ఠితే కమ్మే వా కమ్మనిమిత్తే వా గహినిమిత్తే వా పటిసన్ధివసేన విఞ్ఞాణస్స గతి హోతి. చుతూపపాతోతి ఏవం విఞ్ఞాణస్స ఆగతే పటిసన్ధివిసయే గతియా సతి ఇతో చవనసఙ్ఖాతా చుతి, తత్థూపపత్తిసఙ్ఖాతో ఉపపాతోతి అయం చుతూపపాతో నామ హోతి. ఏవం ఇమస్మిం సుత్తే నతియా చ ఆగతిగతియా చ అన్తరే ఏకోవ సన్ధి కథితోతి. దసమం.

కళారఖత్తియవగ్గో చతుత్థో.