౭. సోచేయ్యసుత్తవణ్ణనా

౬౬. సత్తమే సోచేయ్యానీతి సుచిభావా. కాయసోచేయ్యన్తి కాయసుచరితం, వచీమనోసోచేయ్యానిపి వచీమనోసుచరితానేవ. తథా హి వుత్తం ‘‘తత్థ కతమం కాయసోచేయ్యం? పాణాతిపాతా వేరమణీ’’తిఆది (అ. ని. ౩.౧౨౧-౧౨౨).

గాథాయం సముచ్ఛేదవసేన పహీనసబ్బకాయదుచ్చరితత్తా కాయేన సుచీతి కాయసుచి. సోచేయ్యసమ్పన్నన్తి పటిప్పస్సద్ధకిలేసత్తా సుపరిసుద్ధాయ సోచేయ్యసమ్పత్తియా ఉపేతం. సేసం వుత్తనయమేవ.

సత్తమసుత్తవణ్ణనా నిట్ఠితా.