౧-౨. సతిసమ్పజఞ్ఞసుత్తవణ్ణనా

౮౧-౮౨. నవమస్స పఠమం హేట్ఠా వుత్తనయమేవ. దుతియే సద్ధోతి దువిధాయ సద్ధాయ సమన్నాగతో. నో చుపసఙ్కమితాతి న ఉపట్ఠహతి. నో చ పరిపుచ్ఛితాతి అత్థానత్థం కారణాకారణం పరిపుచ్ఛితా న హోతి. సమన్నాగతోతి సామిఅత్థే పచ్చత్తం, సమన్నాగతస్సాతి వుత్తం హోతి. ఏకన్తపటిభానా తథాగతం ధమ్మదేసనా హోతీతి తథాగతస్స ఏకన్తపటిభానా ధమ్మదేసనా హోతి, ఏకన్తేనేవ పటిభాతి ఉపట్ఠాతీతి అత్థో.