౯-౧౦. ఇధలోకికసుత్తద్వయవణ్ణనా

౪౯-౫౦. నవమే అయం’స లోకో ఆరద్ధో హోతీతి అయమస్స లోకో ఇధలోకే కరణమత్తాయ ఆరద్ధత్తా పరిపుణ్ణత్తా ఆరద్ధో హోతి పరిపుణ్ణో. సోళసాకారసమ్పన్నాతి సుత్తే వుత్తేహి అట్ఠహి, గాథాసు అట్ఠహీతి సోళసహి ఆకారేహి సమన్నాగతా, యాని వా అట్ఠఙ్గాని పరమ్పి తేసు సమాదపేతీతి ఏవమ్పి సోళసాకారసమ్పన్నాతి ఏకే. సద్ధాసీలపఞ్ఞా పనేత్థ మిస్సికా కథితా. దసమం భిక్ఖుసఙ్ఘస్స కథితం. సబ్బసుత్తేసు పన యం న వుత్తం, తం హేట్ఠా ఆగతనయత్తా ఉత్తానత్థమేవాతి.

ఉపోసథవగ్గో పఞ్చమో.